جريدة البديل السياسي
ضيف وقضايا وحوار
يستضيف البرلماني الذي نجح في التحضيري بالأقدمية.
- اولا قبل كل شيء برنامج حوار كيرحب بيك السي البرلماني
- حتى انا كنشكركم بزاف على هاذ اللقاء حيت إختريتو أن اكون انا في الواجهة
- نبداو معاك البرلماني المزور
- انا مشي مزور المزور بفلوسو
- كيفاش فكرتي ترشح للبرلمان
- انا ديما كنت كنحلم باش نجلس غلى الكرسي فالبرلمان
- واش هذ البرلمان معندوش ماليه حتى تمشي انت تمثل الامة
- انا ديما كيعجبني نمثل كنحب مهنة التمثيل
- احنا مقصدناش التمثيل على الخشبة؟
- اوا علامن غدي انمثل انا كنمثل راسي وكنحلم بزاف
- باش كتحلم؟؟
- كنحلم باش نولي وزير
- ولكن الحزب ديالكم اختار الناس لي قاريين كيفهمو ف السياسة
- انا ماشي شغلي فلي قري وكيغرف لسياسة
- أفاش شغلك ؟؟؟؟
- انا كنتفاهم غير مع الناس لبحالي الي لفلوس
- اسمعنا بالي انت مكتقشع والو فالسياسة
- قلتلكم انا مكنفهمش ف السياسة
- انا المفهوم ديالي ف السياسة هو الى عندك الفلوس بزااف
- ولكن بلا علم ميسواو والو
- انت لي معارف والو الي عندو لفلوس اولي رئيس البلدية ثم برلماني ثم وزير…..
- نتا خاصك بزاف باش تولي وزير
- انتوما لي خاصكوم بزاف انا عندي ماندير باش نوصل انهز الفاليزة ديال الوزير
- اشنو هي الحقيبة الوزارية لي كتحلم بيها ؟؟
- انا باغي نولي وزظير ديال كلشي
- كيفاش ديال كلشي ؟؟
- انتما مكاتفهمو والو فهاد الشي
- اشحال خسرتي دلفلوس باش وصلتي للبرلمان ؟؟
- بلا حساب كنت غير كنوزع فيهم انا معارفش اشحال عندي ف راس مالي
- اسمعنا بيلا ديتي شي اراضي ديال شي ناس بالقوة
- هذوك الاراضي ديالي شريتهوم بفلوسي
- انت ديما كتربح ف الانتخابات علاش زعما؟؟
- انا كندير التجارة ف السردين و الناس كيعجبهوم ياكلو السردسن
- اعلى هتاذ السرديسن شحال كتعطي الواحد باش اصوت عليك ؟
- هذي ساهلة كيلو ديال السردين للواحد وهانتا ف البرلمان
- على هاذ الاقليم مكاينش الناس لي عندهوم لفلوس امكيربحوش فالانتخابات؟
- خيت المواطنين كيعجبهوم لي ينعس فالبرلمان ماشي لي يغوت اينوض الحقيقة
- انت شي مرات كتهضر فالبرلمان واش كيفهموم الوزراء و البرلمانيين
- لاهلا افهمهوم انا شي مرات كنهضر بالشينوية
- ونتا قاري الشينوية يعني وصلتي دغيا
- معلوم انا راني تنجحت ف التحضيري لالاقدمية
- اخر كلمة الهدوك لي كيصوتو عليك
- كنطلب من الله باش يحفضهم ميموتوش حتى نموت انا الى ماتو مغديش نربح مرة اخرى فالانتخابات اكنطلب منهوم امنين انموت احفرو لي القبر فالبرلمان حيت كنحب البرلمان ا كنموت عليه
تعليقات الزوار ( 0 )